LOCAL News — Nag-umpisa eon nga magtanum it paeay ro mga mangunguma sa probinsiya it Aklan sa tunga it pag-umpisa it tag-uean.
Suno kay Provincial Agriculture Office head Engr. Alexys Apolonio nga haeos 25-28% it mga farmers ro nakatanum eon kun sa siin bastante eon ro suplay it tubi.
Nagaeaum sigon ro mga raya nga makabawi halin sa pagkalugi bangud sa naging epekto it El Niño sa nasyon.
Madumduman nga sambilog ro Aklan sa nagdeklara man it state of calamity bangud sa nasambit nga phenomenon.
Dugang pa ni Engr. Apolonio nga kaeabanan nga naga-umpisa nga magtanum kada buean it Hunyo ukon Hulyo, apang raya hay naatrasar tuga it maeawig nga tag-init.
Sa pihak kara, nagakabaeaka man sigon sanda tuga it sobra-sobra nga tubi-uean nga nai-record tuga it La Nina phenomenon.
“Ideal” sigon ro sitwasyon sa mga paeay , apang bukon sa ibang mga pananum kapareho it mga pechay ag iba pang tanum nga sensitive sa uean.
Kabay suno kana nga antes nga matapos ro buean it Agosto hay maabot ro target nga matamnan ro kapin sa 90% it kabilugan nga mga ueumhan sa probinsiya.
Tuyo kara nga pag-abot it mga buean it Setyembre hasta Nobyembre hay maka-harvest eon ag makabawi ro mga mangunguma.
