Sa atubang it paeag it el niño phenomenon sa nasyon, nagapabilin nga normal ro aktibidad it mga mangunguma sa probinsiya it Aklan.
Raya hay kasunod it padayun nga pagpahaum sa pagtanum it mga mangunguma it paeay.
Suno kay Joel Morales, sangka rice farmer sa parte it Brgy. Mataphao, New Washington nga owa pa nanda gina-isip ag ginakabaeak-an ro pagtama it el niño.
Suno kanda nga padayun nga may naga ilig nga tubi sa irigasyon rason nga padayun ro andang pagtanum.
Mabahoe nga bulig suno kana kon mataw-an it katumanan ro ginaduso nga one time bigtime nga ayuda sa mga farmers it sangka grupo sa department of agriculture nga naga abot sa 15,000 pesos.
Sa pihak nga parte , ginareklamo man nanda ro limitado nga pagtau kanda it binhi it DA nga pagagamiton kunta nanda makaron nga cropping season.
Ginpaabot man nana ro andang naangkon nga kalugihan bangud sa pagkasamad it andang pananum sa naexperiensiyahan nga grabeng pag-uean ag pagpanaeasa it peste nga mga eanggam.
