KALIBO, Aklan — Magabaton it bulig maghalin sa Department of Agriculture ro mga mangunguma sa probinsiya it Aklan nga maaapektuhan ro pangabuhian sa nakataeanang pagpasara sa isla it Boracay.
Raya ro gin pasiguro ni Agriculture Secretary Manny Piñol sa anang pagbisita sa Aklan.
Gin pahayag ni Piñol nga kaabuan dikara hay mga naga supply it andang produkto sa isla.
Gin manduan sigon it sekretaryo ro mga opisyal sa probinsiya nga sayuron ro bulig nga kinagahangeanon it mga mangunguma agud insigidang maitao kanda bago pa man ro pagpasara sa isla sa Abril 26.
Sa pihak nga parte, pabor si Piñol sa pag-rehabilitate sa isla agud maayos ro mga environmental problems kara.
Nagtaeana sigon ro DA it P39-million nga pondo para sa limang natumod na farmers cooperative nga pwedeng utangon it mga mangunguma.
Sa Aklan si Piñol agud pangunahan ro pagpanupod it farm machineries sa mga benepisyaryong asosasyon.
