KALIBO, Aklan — Owa it paga eauman nga dugang sa sweldo ro mga manugturo sa mga pampublikong eskwelahan sa bug-os nga nasyun.
Raya ro gin pahayag ni ACT Teachers Rep. Antonio Tinio sa interview it Bombo Radyo Kalibo.
Sa pihak kara, padayun ro andang panawagan ag kampanya sa administrasyong Duterte nga madugangan ro sweldo it mga manugturo.
Suno kay Tinio, naga eaum sanda nga tumanon ni Pangueong Rodrigo Duterte ro anang promisa nga pagkatapos it salary increase sa mga suldado ag pulis hay iga sunod ro mga public school teachers
Gina baeabagan sigon it mga budget officers it Presidente ro dugang nga sweldo sa mga empleyado it gobyerno bangud bukon man sigon it underpaid ro mga manugturo.
Sa pihak nga parte, gin pahayag pa ni Tinio nga iga patuman eon sa madason nga dag-un ro ikatlong tranche sa salary standardization nga gin aprubahan sa tiempo ni dating Pangueong Noynoy Aquino nga gina tantiyang P500 kada buean.
Ro final tranche hay pagahiwaton sa 2019.
