-- ADVERTISEMENT --
NATIONAL News — Ginpamilit ni Senator Risa Hontiveros nga dapat bawaean nga magturo ro mga manyak nga manugturo sa mga eskwelahan.
Suno kay Sen. Hontiveros, owa it lugar sa nasyon ro mga manugturo nga pabalik-balik nga naeakot sa kaso it pagpang-abuso ag pangmolestiya sa andang mga estudyante.
Ginpahayag it senadora nga owa it masolbar nga problema kun pagapasugtan eang nga magsaylo-saylo it eskwelahan ro mga abusadong manugturo.
Dugang pa ni Hontiveros, indi dapat pasugtan nga makaibahan it mga unga ro mga titser nga nasanay eon sa pagpangharass ag owa hapasabat sa laye.
