KALIBO, Aklan—Bukon eamang ro mga konsumidor ro nagakalisod sa mataas nga presyo it karne it baboy kundi maskin ro mga meat vendor man.
Suno kay alyas Mercy, sangka negosyante it baboy sa Kalibo Public Market nga ro mga kapitalista ro eubus nga nagakita makaron sa atubang it sangkiri nga supply it baboy bangud sa mataas nga presyuhanay sa Luzon nga naga-abot sa 400 pesos ro kada kilo it karne.
Mabahoe suno kana ro epekto it manaba nga supply sa presyo it baboy.
Maskin sigon nga bastante ro mga naga-alaga it baboy sa Aklan ukon ro mga backyard hog raisers, apang kaabuan sa mga karne hay ginapadaea sa Luzon.
Nasayuran nga pinaka naapektuhan it African swine fever ukon ASF ro Central Luzon ag Southern Tagalog rason nga ro mga baboy nga ginabaligya sa Metro Manila hay nagahalin sa Visayas ag Mindanao.
Mas pa suno kana nga nag-sirit ro presyo it karne it baboy pagkatapos it selebrasyon it ati-atihan festival bangud nga owa eon it maboe-an it supply.
Ro karne it baboy sigon hay naga-average eon makaron sa 220 pesos kada kilo.