Posibleng mag-avail it emergency loan ro mga miyembro it state-run pension fund nga Government Service Insurance System (GSIS) nga apektado matapos tumama ro magnitude 7 earthquake sa Abra ag nabatyagan man sa pilang bahin it Luzon kamana man sa Metro Manila.
Suno kay GSIS president ag general manager Wick Veloso, ginasiguro nanda nga ro mga miyembro ag pensioners hay makabaton it financial assistance ag nakipag-angot eon sigon sanda sa tanan nga public entities nga apektado it linog para tan-awon kung may mga kasamaran sa government properties para maka-calim it insurance maghalin sa GSIS.
Dugang pa kara it opsiyal, nagtaeana sigon ro GSIS it P5.4 billion para sa emergency loan program makarong dag-on.
Ro mga GSIS members nga may existing emergency loan balance hay puwedi nga makahueam it hasta P40,000 para mabayaran ro andang previous emergency loan balance ag makabaton sa gihapon it kapin sa P20,000.
Samtang, ro mga may existing emergency loan mat-a hay posibleng mag-apply para sa P20,000 loan amount kamana man ro mga pensioners.
Puwedi nga bayaran ro nasambit nga emergency loan sa sueod it 36 monthly installments nga may 6% interest rate.
Sa pihak nga parte, ro mga kwalipikado para sa emergency loan hay ro mga miyembro nga sa active service ag owa it leave of absence without pay, may tatlong buean nga ginbayaran nga premiums sa sueod it an-um nga buean, owa it pending administrative ukon criminal case ag may net take-home pay nga indi magnaba sa P5000 matapos nga magkaltas ro required monthly obligations.
