-- ADVERTISEMENT --
KALIBO, Aklan—Nabatyagan eun it mga motorista sa banwa it Kalibo ro bigtime oil price hike nga ginpatuman it pilang ka mga gasolinahan umpisa kaina it alas-6 it agahon.
Umpisa makaron nga adlaw it Martes hay uman nga nagtaas ro presyo it produktong petrolyo sa ika-napueo nga domingo kun sa siin P5.40 hasta P5.50 kada litro ro ginsaka sa Diesel samtang P3.40 hasta P3.50 kada litro ro igataas it Gasoline.
Suno sa sambilog nga driver nga owa eun sigon sanda it mahimo bangud raya hay patakaran man it mga gasolinahan.
Naga-aray man sigon sanda sa grabe nga pagsaka it presyo.
Bangud kara hay sangkiri eun lang gid sigon ro mabilin sa andang ginakita.
-- ADVERTISEMENT --
