KALIBO, Aklan—Mabahoe ro naging pagpasaeamat it pilang mga musicians sa probinsiya it Aklan eabi eon sa Isla it Boracay kay Pangueong Ferdinand “Bongbong” Marcos Jr. matapos nga na-mitlang kara sa anang unang State of the Nation Address ukon SONA ro angot sa ginatawag nga ‘creative industries’.
Suno kay Mike Regalado, sangka kilaeang singer sa probinsiya it Aklan nga mabahoe sigon ro naging kontribusyon it creative industries sa industriya it turismo sa nasyon.
Nagapati sanda nga ro pronouncement ni Marcos hay sangka manifestation it pagpakita kara it suporta sa mga Pinoy freelancers kapareho nana, kun sa siin kaabuan sa mga una sa creative sector hay freelancers.
Kabay suno kana nga pinaagi sa pagkilaea sa andang industriya hay maeakip sanda sa mga mataw-an it ayuda it gobyerno.
Ginsaysay nana nga sambilog sanda sa mga eubus nga naapektuhan it pandemya tuga it covid 19 , apang owa sanda naeakip sa mga nataw-an it bulig kapareho it social amelioration program.
Makabig sigon sanda nga mga informal workers rason nga owa it nabaton nga nagakaigo nga benepisyo kapareho it mga regular nga empleyado.
