Kalibo Aklan——–Nag abot eon sa 20,906 ro nabakunahan kontra COVID-19 sa bilog nga probinsiya it Aklan.
Base sa datos it Department of Health (DOH) Region 6, nag abot sa 24,546 ro na-deploy nga bakuna nga himo it AstraZeneca ag Sinovac, apang 85.17 percent ukon 20,906 doses kara ro nagamit.
Raya hay ginturok sa mga A1, A2 ag A3 groups.
Kapin sa 10,310 halin sa A1 ukon healthcare workers ag frontliners ro nabakunahan it unang dose.
Sa mga nakabaton it bakuna, 58.83% ro fully inoculated ukon nakakompleto it daywang doses.
Sa pihak nga parte, haeos 9,645 nga senior citizens ro nabakunahan eon ag 801 ro fully vaccinated.
Sa persons with comorbidities, 951 ro nabakunahan.
Nag-deliver ro health department sa Aklan it dugang nga 18,546 para sa ikaywang doses.
Sa nasambit nga numero, kapin sa 47.31 percent ro nagamit ukon 8,774.
