HEALTH News–Ginaduso makaron sa manabang kapueongan it kongreso nga pasugtan ro mga nabdos ag mga bag-ong unga nga empleyado sa “flexible work arrangements.”
Halimbawa kara ro “work from home” ukon pag-adjust sa oras it andang time-in ag time-out sa trabaho.
Ro hirit ni North Cotabato 3rd District Rep. Ma. Alana Samantha Taliño-Santos hay nakabaehag sa anang gindihon nga House Bill 8471 ukon ginaduso nga Pregnant Women’s Welfare Act.
Ginpamilit ni Santos, ro mga kababayin-an hay importanteng kaparte it “labor force” rason nga kinahangean sandang suportahan ag buligan nga mabalanse ro responsibilidad bilang empleyado ag ro pagsabat sa “demands” it pamilya.
Pamaagi man sigon ro proposisyon ni Santos para maging produktibo ro mga nabdos ag bag-ong unga kon sa siin malikawan nga sanda hay mag-absent ukon magkueang sa pagtuman sa andang trabaho.