Mga naga-alaga it baboy, haum sa uman nga pagsirit it kaso it ASF sa tiempo it tag-uean – DA

Ginpasiguro it Department of Agriculture (DA) nga haum ro sektor it magbababoy sa posibleng pagbalik it African Swine Fever (ASF) makaron nga tiempo it tag-uean.

Matapos ro outbreak ko ulihing parte it 2024 sa Batangas, ginlunsar it  DA ro kontroladong pagbakuna gamit ro AVAC live vaccines halin sa Vietnam nga napamatud-an nga epektibo sa pagpanaba it kaso halin sa haeos 600 barangay hasta sa owa pa it 30 makaron nga dag-on.

Ginpamilit it DA ro importansiya it koordinasyon sa mga lokal nga gobyerno agud nga malikawan ro pagtaas it kaso, eabi pa ag posibleng magkalhit ro virus pinaagi sa tubi.