National News———-Gina-engganyo it Commission on Elections (Comelec) ro publiko nga magtestigo sa andang nasaksihan nga vote-buying activities.
Partikular nga ginahambaean ni Comelec Commissioner George Garcia ro mga naga-post it andang reklamo sa social media.
Depensa pa ni Garcia nga indi dapat balewalaon ro mga social media post angot sa vote-buying activities may kaangtanan sa nagahieapit nga eleksiyon.
Apang kung social media post eang, puwedi sigon rayang indi maaksiyunan ag maging isaeang ka kaso nga may probable cause.
Kinahangean sigon nga magtestigo kara ro nagpost ukon ro nagbo-oe it video sa ginareklamong vote-buying activities.
Ginapahayag ni Garcia nga malisod magprosecute it mga krimen kapareho it vote-buying activities bangud malisod nga makausoy it ebidensya.
