BANGA, Aklan — Mahina pa ro mga nagabakae it firecrackers ag pyrotechnic materials sa banwa it Banga pilang adlaw antes ro selebrasyon it Bag-ong Dag-on.
Raya ro ginpahayag ni Mrs. Rosalie Cuarton, firecracker seller sa nasambit nga banwa.
Sa pihak kara, ginpasiguro man nana nga owa eon it pagbag-o ro presyo it andang mga baligya.
Nag-umpisa sigon sanda nga magbaligya ko Disyembre 22 kun sa siin an-um sanda nga mga negosyante ro nakabo-oe it permit.
Samtang, suno kana nga padayun ro ginahimo nga inspection it Bureau of Fire Protection para masiguro ro eowas nanda nga pagbaligya sa gintaeana kanda nga lugar sa Brgy. Tabayon.
Hugut sigon nga ginabantayan it mga awtoridad ro pagbaligya it mga paeupok nga owa it label ukon illegal firecrackers.
Dugang pa ni Cuarton nga pirme man nga makita ro presensya it pulis sa andang baealigyaan kamana man ro mga katapo it BFP agud nga insigidang makasabat sa anuman nga owa ginaeauman nga insidente.
