KALIBO, Aklan — Nagpaguwa it pahayag ro lokal nga gobyerno it Malay, Aklan patumod sa pilang indibidwal nga nagagmit sigon sa pangaean ni Malay Mayor Ceciron Cawaling sa pilang transaksyon.
Raya hay kasunod it insidente ko Mayo 29, 2018, kon siin sangka uwa nagpakilaeang indibidwal ro nagtawag sa sangka travel agency nga nagapa-book it flight gamit ro pangaean it alkalde.
Ginpaandaman it LGU-Malay ro sin-o man nga nagapamintaha sa ginapangatubang nga krisis sa Boracay kapin eon ro mga tawong nagagamit sa pangaean it nagkaeain-eain nga opisyal ag empleyado it gobyerno.
Nag-apela man si Cawaling sa publiko nga inde gilayon magpati sa mga nakikipag-transaksyon kanda kapin eon kon may eakot nga kwarta.
Kinahang-ean sigon nga mag-agi ro tanan nga mga transaksyon sa taeatapan it alkalde agud maging legal.
