KALIBO, Aklan—Ginpick-up eon it kompaniya nga nakakontrata sa gobyerno probinsyal ro kapin sa 12,000 kilograms it mga used personal protective equipment ukon PPE’s ag covid-19 materials nga gintambak sa Calangcang sports complex.
Raya ro pagklaro ni Barangay Kapitan Niel Tumbukon it Barangay Calangcang, Makato, matapos nga makabatun it reklamo maghalin sa mga residente bangud sa ginasugid nga ginaeubong ag ginasunog sa nasambitan nga lugar ro mga nagamit eun nga PPE’s it mga staff sa Aklan provincial hospital.
Medyo natipon man sigon ro basura bangud umpisa ko Setyembre 8 pa nga owa ginbo-oe.
Nasayuran nga ro nasambit nga kompaniya hay maghalin pa sa Trece Martires, Cavite.
Sa adlaw it Sabado hay uman sigon sandang magabalik agud nga himuson pa ro mga nabilin nga basura.
Nasayuran nga eubos rayang ginakahadlokan it mga residente bangud sa kahadlok nga basi maging rason pa it pag-eapta it coronavirus disease ukon covid-19.
Apang , pagklaro ni kapitan Tumbukon nga antes gindaea ro mga nasambitan nga basura hay ginpaidaeum anay sa disinfection.
