Kalibo Aklan ——–Kapareho it ginaeauman, hapon eon kat bumuhos ro mga nagapaligos sa baybayon nga sakop it Isla it Boracay.
Suno sa mga nakabantay nga lifeguard ag beach guard masyadong mainit ro tiempo kaina it agahon rason nga posibleng owa it masyadong may nagpaligos .
Madumduman nga ginpahayag ni Malay Mayor Frolibar Bautista nga pwedeng mag-enjoy ro mga residente ag local tourists sa boracay sa kapiyestahan ni Sr. San Juan de Bautista makaron nga adlaw .
Apang kinahangean nga sundon ro health protocols .
Raya hay ginaeakipan it mandatory nga pagpa-rehistro antes nga magpaligos .
Bawae pa nga magpaligos sa baybay ro mga senior citizens ag mga naga-edad it 21 anyos panaba .
Owa man ginapasugtan ro magpicnic ukon magdaea it pagkaon ag ilimnon sa beachfront.
Nasayuran nga nakipagpueong si Mayor Bautista sa mga miyembro it Malay Inter-Agency Task Force on Covid-19 agud nga matalakay ro mga preparasyon makaron nga San Juan celebration.
