Kapin sa 405 nga gun enthusiast sa probinsya it Aklan ro madinaeag-on nga naproseso sa caravan angot sa License To Own and Possess Firearms ukon LTOPF ag firearms registration.
Suno kay Police Major Willian Aguirre, OIC Provincial Operation Management Unit it Aklan Police Provincial Office nga naging madinaeag-on ro daywang adlaw nga aktibidad it pagproseso it mga aplikasyon para sa lisensiya it mga baril nga ginpatigayon it Police Regional Office VI ukon PRO-6 sa Aklan PPO nga nagtapos kahapon nga adlaw it Biyernes.
Sa kamatuoran suno kay Aguirre hay sambilog imaw sa nag-avail sa nasambit nga programa kon siin mabahoe gid nga bulig sa mga Aklanon ro gin-establisar nga “One-Stop-Shop” agud nga maka-comply it mga nagakaigo nga requirements para sa andang aplikasyon para sa LTOPF ag firearms registration.
Tuyo sigon kara nga mataw-an it legalidad ro mga gun owners kamana man mapanaba ro numero it unregistered firearms sa Western Visayas.
