KALIBO, Aklan—Nagaabot eon sa kabilugang 12,384 ro nailistang kaso it covid-19 sa bilog nga probinsya it Aklan.
Raya hay matapos nga nakalista it 22 ro Aklan Provincial Epidemiology Surveillance Unit it Provincial Health Office kahapon nga adlaw halin sa 127 ka mga swab samples nga gintest sa laboratoryo it Provincial Hospital.
Sa nasambit nga numero, pito ro maghalin sa banwa it Banga; tig-daywa sa Batan ag Kalibo; ap-at sa Makato; lima sa New Washington ag tig-sambilog maghalin sa munisipalidad it Numancia ag Tangalan.
Sa pihak kara, nagaabot eon man sa kabilugang 11,829 ro mga nagmayad matapos nga nadugangan it 24 kasunod it madinaeag-on nga pagpaidaeom it mga raya sa pagbueong ag quarantine procedure.
Sa makaron hay may 242 pang aktibong kaso it deadly virus sa bilog nga probinsya nga ginakaeakipan it 179 nga una sa facility quarantine, 49 nga naka-home quarantine ag 14 ro admitted 14.
Samtang, nagsaka sa 313 ro mga binawian it hueam nga kinabuhi sa bilog nga probinsya bangud sa nasambit nga pandemya.
