KALIBO, Aklan — Dueonghan nga maga paligos ro mga naka-deploy nga pulis ag stakeholders sa isla it Boracay sa maabot nga Abril 21.
Sa interview it Bombo Radyo, gin pahayag ni SPO1 Nida Gregas, Public Information Officer it Aklan Provincial Police Office (APPO) nga ro nasambitang adbokasiya hay paga pangunahan it Metro Boracay Task Force agud ipakita ro suporta sa naga hilapit nga pagpasara sa isla sa Abril 26.
Gusto man sigon nandang ma-eksperyensiyahan it mga augmentation force ro maligos sa baybayon it Boracay.
Gin pahayag dugang pa ni Gregas nga nakataeana ro full deployment it kapin sa 600 PNP personnel sa isla sa Abril 25.
Mag eowas sa isla, nakaplastar man sigon ro outer border control sa mga kaiping nga banwa agud masiguro nga mapabilin nga maayos ro paga himuong rehabilitasyon kun siin owa it matabong mabahoe nga insidente ag indi maging security concern.
Nagapati si Gregas nga engkasong makaangkon it aberya sa seguridad, paniguradong makaapekto raya sa rehabilitation efforts ag sa baylu nga mapadali hay posibling ma-extend pa.
