Mga nakabuoe it printed digital version it National ID, mataw-an pa gihapon it PHILSYS physical cards

Makabaton pa gihapon it physical cards ro mga nakabuoe it printed digital version it andang Philippine Identification System (PhilSys) ukon National ID.

Suno kay PSA chief, National Statistician Dennis Mapa, ginpakilaea it Statistics Agency ro digital version it PhilSys ID ukon EPHILID nga posibleng i-print sa mga registration center it PSA bilang proactive strategy kung siin maangkon it mga Pinoy ro benepisyo it pagiging PhilSys registered.

Kapin sa 74.28 million eon ro nakarehistro sa Philsys samtang masobra 17.6 milyong PHILID card eon ro naipanupod.

Nagpagguwa eon man ro BSP it memorandum sa tanan nga financial institutions para sa paggamit ag pagbaton it naka-print nga EPHILID ag iba pang mga format it digital ID.