-- ADVERTISEMENT --
Padayun pang nadugangan ro numero it mga nagakamatay sa Shanghai, China bangud sa COVID-19 pandemic.
Base sa pinakaulihing datos hay nakalista pa it dugang nga pitong mga indibidwal nga namatay rason para mag-abot eon sa napueo ro total death toll idtu.
Suno sa Shanghai Municipal Health Commission, ro pitong namatay hay naga-edad it 60 ag 101 anyos ag parehong naka-eksperyensya it mga underlying conditions kapareho it sakit sa tagipusuon ag diabetes.
Ginpahayag pa it komisyon nga nakalista man sanda it masobra 20,000 nga mga bag-ong kaso it COVID -19, apang kaabuan sa mga raya hay asymptomatic.
