Sa tunga it tensyon sa Middle East ag epekto kara sa suplay it langis, may posibilidad nga mas maga-abu ro mga nasyon sa Asya nga magabakae it krudo sa Estados Unidos.
Raya ro ginpahayag ni Bombo International News Correspondent Pinoy Gonzales it Houston, Texas.
Suno kana nga kasunod it pagbarato it presyo it West Texas Intermediate ukon WTI crude oil ag ro promisa it US nga magapaguwa it kapin sa 400 millon nga bariles it krudo hay maabu nga mga Asian countries ro nag-order kara partikular ro Japan , South Korea, China ag India nga posibleng maga abot sa buean it Abril.
Ginpahayag ni Gonzales nga sa makaron hay mas stable ro supply it US crude bangud nga bukon it masyadong apektado it gulo sa rehiyon ro andang produksyon.
Nasayuran nga grabe ro pagtaas it langis sa Europa ag Asya nga masyadong dependent Brent Crude nga gina produce it Middle East bangud nga kaabuan sa mga shipping lines hay nagalikaw sa Strait of Hormuz bangud sa paeag it Iran nga pagapasabugon ro andang mga barko.
Dugang pa nga bangud sa epekto it giyera sa presyo it langis, maabu nga mga nasyon sa Europa ro nagpamalibad nga maguporta sa pakikipag giyera it US sa Iran.
