KALIBO, Aklan—Maabong mga negosyante ro ginpakamayad eun lang nga isarado ro andang business establishment bangud sa paiba-iba nga quarantine classification tuga it Coronavirus Disease ukon COVID-19.
Suno kay Ramil Buncalan, miyembro it Philippine Chamber of Commerce ukon PCCI-Aklan nga eubos eun nga naapektuhan ro economic sector bangud sa owa it katapusan nga pagpatuman nga mga quarantine measures.
Ro pilang ka mga negosyo pa sigon hay permanenteng nagsara bangud nahadlok eun nga magrisgo bangud sa indi masayuran nga magiging sitwasyon.
May kaangtanan kara, ginpahayag dugang ni Buncalan nga nagaeaum sandang mga negosyante makarun nga maabo pa ro pagahaeugaan sa pagsinueondan it probinsiya engkasong igapaidaeum eun sa General Community Quarantine ukon GCQ umpisa setyembre 8 hasta 30.
