KALIBO, Aklan—Nagahirit makaron ro mga negosyante sa probinsiya it Aklan nga paeawigon pa it hasta alas-7 it gabi-i ro operasyon it andang mga establisyemento.
Raya hay kasunod it ginpaguwa nga advisory it provincial government angot sa pag- extend it business hours sa idaeum it MECQ umpisa alas-6 it agahon hasta alas-5 it hapon halin sa dating 6am to 4pm.
Suno kay Ramil Buncalan, dating presidente Philippine Chamber of Commerce and Industry ukon PCCI-Aklan ag presenteng board of directors nga ro gintau nga bag-ong extension hay para eamang sa mga empleyado nga nagaguwa it opisina.
Apang owa it mabahoe nga epekto sa mga negosyante.
Gindugang pa ni buncalan nga ro kinahangean nanda makaron hay mataw-an it ligwa nga maka-negosyo it maayos bangud sa owa it kasiguraduhan kon hin-uno matapos ro pandemya.
Balewala suno kana ro gintau nga 2,000 pesos nga ayuda sa pilang mga apektadong sector kumpara sa pilang dag-on eon nga sarado ro andang negosyo ag gina-trabahuhan.
Dapat suno kana nga makaangkon it long term solutuion at bukon it kapareho sa naexperiensiyahan makaron nga bukas-sarado ro andang mga establisimento.
Maskin ro bakuna suno kana hay bukon it garantiya agud nga eubusan nga mabuksan ro ekonomiya bangud sa kakueangan it covid vaccine.
Samtang, ro importante suno kana hay magsunod sa gintaeana nga minimum health and safety protocol bangud nga magiging kaparte eon it pagpangabuhi it tawo ro sakit nga Coronavirus.
