-- ADVERTISEMENT --
KALIBO, Aklan—Preparado eon ro mga negosyante sa Boracay para sa uman nga pagbukas it isla sa mga turista sa maabot nga Oktobre 1.
Suno kay Boracay Foundation Incorporated (BFI) President Mr. Edwin Raymundo nga kapin sa 200 nga hotels ag resorts eon sa isla ro nataw-an it certificate to operate.
Ginpahayag dugang nga ko nagtaliwan nga buean hay gintun-an eon nanda ro mga health protocols procedure nga pagahimuon agud nga mapahauman ro pagbukas it Boracay sa mas maabo nga turista.
-- ADVERTISEMENT --
Raya hay para maproteksyonan ro kada indibidwal kamana man mapabilin nga euwas sa paeag it COVID-19 ro isla.
Naga-eaum man sigon sanda nga pagapasugtan it lokal nga gobyerno it Malay nga pahabaan ro curfew agud nga mas maka-enjoy ro mga bisita.
