KALIBO, Aklan—Makabig nga simple apang romantic ro selebrasyon it Valentine’s day sa nasyon it Norway.
Raya hay bangud mas ginataw-an it importansya it mga kaeaeakin-an ro pagpalangga ag pagrespito sa andang partner bukon eamang sa adlaw it tagipusuon kundi sa bilog nga relasyon.
Suno kay Bombo International Correspondent Vilma Delos Santos nga mas gusto it mga Norwegian nga magpatigayun it pribado nga surpresa para sa andang mga mahae sa kabuhi.
Masami sigon nga nagaprepara it ‘fine dining’ sa mga restaurant ro mag-couple para iselebrar ro okasyon ag nagatao it regalo base sa gin-request it andang partner.
Maeaka eamang sigon ro mga shop nga nagadisplay it mga heart shape object kun Valentine’s day bangud owa man raya masyadong ginataw-an it importansya it mga Norwegian.
Na-obserbahan man kara nga kaeabanan sa magkarelasyon hay nagakaon sa mga restaurant ag nagatan-aw it movie kamana man nga mas ginataw-an nanda it importansya ro relasyon kaysa sa regalo.
Ginakabig man kara nga sweet and romantic ro mga eaeaki sa Norway bangud mas prayoridad nanda ro kaeuwasan it andang partner.
