sa pagsueod it bag-ong administrasyon, nagaeaum ro grupo it mga nurse nga mabatian eon ro andang mabuhay nga reklamo.
Padayun ro panawagan it Philippine Nurses Association (PNA) nga obrahon nga pareho ro pasweldo sa mga nurse nga nagatrabaho sa pang-gobyerno ag pang-pribadong ospital.
Ro mga nurse nga una sa pampublikong ospital hay nagasweldo it halin sa P30,000 hasta P40,000 pesos.
Mas manaba man kara ro nababaton it mga una sa private.
Samtang, tatlo hasta ap-at nga beses man nga mas mataas ro paga-swelduhon kon sa ibang nasyon magatrabaho.
Sason nga indi malikawan nga maabu nga nurse ro napipilitang mag-abroad.
Posible nga kon pagapamatian ro panawagang parehong sweldo sa government ag private, may mga magka-interes nga magapabilin sa nasyon.
Importante ro atong mga health worker ag mas raya nga nabatyagan sa tunga it pandemya.
Kaibahan sanda sa mga buwis-buhay nga frontliners nga nag-atubang ag nakipag-away para sa kada pumueuyu kontra sa COVID.
Kabay nga mapamatian ag matun-an ro andang mga panawagan.
Kun masarangan nga itau, itau eon ag indi eon sanda pagpabudlayan pa.
Taw-an naton sanda it kahigayunan nga makaibahan ro andang mga mahae sa kabuhi nga owa nabudlayan ukon nagatiis.
Indi naton ikahikaw ro pag intindi , pag-alaga ag pagpalangga nga owa nanda ginkahikaw sa tanan .//
