NATIONAL News — Ginhinyu it Malacañang sa mga Overseas Filipino Worker (OFW) nga supporter ni dating Pangueong Rodrigo Duterte nga maging kalmado ag eaparan ro isip angot sa ginapangatubang nga kaso kara sa International Criminal Court (ICC).
Raya hay kasunod it ginakasa nga ‘zero remittance week’ it grupo it mga OFW sa Europa nga gintaeana sa Marso 28 hasta Abril 4 para i-insister nga ibalik sa Pilipinas si dating Pangueong Duterte.
Sa press briefing sa Malacañang, ginpahayag ni Palace Press Officer Atty. Claire Castro nga kabay nga maintindihan it mga OFW nga nagatuman eamang ro gobyerno sa laye ag intindihon man nga may mga Pilipinong nagpasaka it kaso kontra sa dating Pangueo.
“Of course, mas gugustuhin po natin na maging mahinahon ang bawat Pilipino sa ganitong klaseng isyu. Sana po ay malaman din po nila na ang pamahalaan at ang gobyerno ay tumutupad lamang sa ating batas. At may mga Pilipino rin naman po na nagreklamo, nag-file ng complaint laban sa dating Pangulong Duterte,” pahayag ni Castro.
Gindugang pa ni Castro nga bukon eang ro gobyerno ro maapektuhan sa zero remit nga paga-obrahon it mga OFW kundi ro pamilya it mga raya nga nagasalig sa andang padaeang kwarta.
Suno pa sa opisyal nga kabay nga maging patas ro mga OFW nga nagaplano kara agud nga mapahagan-hagan ro tensiyon angot sa isyu sa dating Pangueo.
“Pero siyempre po, kung hindi po sila magkakaroon at hindi sila magre-remit ng kanilang mga maaaring ipadala sa mga pamilya nila, hindi lamang po gobyerno ang maaapektuhan, pati ang kanilang mga pamilya. So, sana po ay maging mahinanon tayo sa ganitong mga klaseng issues,” dugang pa ni Castro.
