Eubus nga ginkalipay it mga overseas Filipino workers ukon OFW’s ro pagta-o it haega kanda ni Pangueong Ferdinand Marcos Jr. matapos nga nasambit sanda sa unang State of the Nation Address it presidente.
Suno kay Bombo International Correspondent Emily Delos Santos it Macau, China, eubus ro andang pasaeamat bangud nga natukod sa idaeom it administrasyon ng dating Pangueong Rodrigo Duterte ro Department of Migrants sa idaeom it Overseas Workers Welfare Administration ukon OWWA.
Panawagan eamang sigon nanda sa mga staff it departamento nga gilayong taw-an it atensyon ro andang mga hinaing patikular sa mga nagapabilin nga nagaantus ag apektado bangud sa pandemya.
Ginaeauman sigon nanda nga mas pang pabaskugon ag pasanyugon it bag-ong administrasyon ro programa para kanda nga mga OFW’s bangud sambilog sanda sa mga nagabuhi sa ekonomiya it nasyon.
