-- ADVERTISEMENT --
KALIBO, Aklan–Nagapabilin nga euwas ag una eun sa maayos nga kahimtangan ro pilang ka mga Overseas Filipino Worker ukon OFW matapos ro maeapnagon nga pagsabog it bulkan sa nasyon nga Tonga.
Suno kanday Bombo International Correspondent Diony Tundag ag Merylen Tundag it Tonga nga ko mga nagtaliwan nga dominggo hay nalisdan sanda bangud nga ginputos it alikabok ro andang palibot bangud sa pagsabog it bulkan.
Samtang naapektuhan man ro pilang ka mga pananom ag pangabuhian it mga residente sa nasambitan nga nasyon.
Maswerte man sigon ag may nagpaabot kanda it bulig apang ro mga nagtao it bulig hay nagdaea man it covid-19 infection.
Sa makarun hay padayun eun sigon nga naga-inabo ro andang mga nailistang kaso it COVID-19.
-- ADVERTISEMENT --
