Handom it mga overseas Filipino workers ukon OFW’s sa nasyon it Singapore nga mapagbigyan ni Pangueong Ferdinand Marcos Jr. ro andang hinyo nga maduea eon sa andang requirements ro Overseas Employment Certificate ukon OEC nga sambilog sa andang requirements kon nagauli sa Pilipinas ag nagabalik it Singapore.
Suno kay Bombo International Correspondent Norelie Macabante, haeos tanan sanda hay excited sa pag-abot it presidente apang ro nakataeana kara nga pagbisita hay weekdays rason nga malisod sanda nga sugtan it andang amo nga makaguwa.
Mag-eowas kara, gusto man nanda nga makaangkon payment ukon back pay engkaso nga mag-eawig ro andang pagtrabaho sa nasambit nga nasyon kaparehas sa Hongkong.
Mabahoe sigon raya nga bulig sa oras nga mag-uli sanda sa Pilipinas.
samtang sa pihak nga parte, ginaeauman mat-a ni Bombo International Correspondent Elizabeth Castil Capili nga mabatian sa presidente kon may nakapahaom nga programa para kanda engkaso nga mag-uli eon sa Pilipinas for good.
Mag-eowas kara, dapat sigon nga inde eon sanda pagpakalisdan sa pila ka mga requirements nanda mag-uli sa Pilipinas kaparehas it health pass.
Maabo man suno kana ro andang ginapahaom nga mga lehitimong requirements antes nga makauli it nasyon.
