KALIBO,Aklan– Nagapabilin nga kalmado ro mga overseas Filipino workers ukon OFW’s sa Moscow, Russsia.
Raya hay sa tunga it nagapadayon nga march of justice it Wagner mercenary group sa pagpanguna it pinuno kara nga si Yevgeny Prigozhin kasunod it ginbuhian sigon nga missile strike it Russian defense ministry sa andang kampo nga pumatay sa libo-libong mga miyembro kara.
Suno kay Bombo International Correspondent Luz Silagpo nga nagapabiling maayos ro andang kahimtangan idto makaron.
Apang, gin-abisuhan sigon sanda it andang mga amo nga inde mag-adto sa mga matawong lugar ag maging mapagmatyag sa tanan nga oras.
Nasayuran nga gintaw-an eon it kahigayunan ni Russian President Vladimir Putin nga pumili ro mga miyembro it Wagner mercenary group kon magpasakop sa regular military, bumalik sa andang mga pamilya ukon magpadayon paadto sa Belarus.
