Kalibo Aklan ———–Kumpyansa ro mga Overseas Filipino Workers (OFW’s) sa nasyon it Ukraine nga inde sanda pagpabay-an it gobyerno it pungsod kasunod it tensyon sa tunga nanda it Russia.
Raya hay kasunod it kabaeaka nga nabatyagan it mga OFW’s sa hana nga kinagamo sa tunga it daywang ka nasyon.
Suno kay Bombo International Correspondent Jeni Lopez it Maidan, Kyiv, Ukraine nga sigidas ro pagpueong it mga opisyal kon paano mapatawhay ro sitwasyon.
Ginpahayag dugang nga may contingency plan eon sigon ro andang mga employer engkaso gidman nga maglala ro tensyon kasunod eon man it pagdeploy it gobyerno it Russia it andang mga kasoldaduhan sa daywang ka rehiyon nga andang ginrekognisa nga independent.
Ro ibang mga OFW’s sigon hay ginakutana it andang mga amo kon magasunod sa andang bakwit ukon mag-uli eon lang sa Pilipinas kon siin madasig man sigon ro andang sabat nga inde sanda mag-uli it nasyon sa baylo hay magapabilin sa andang mga amo agud nga padayon gihapon ro andang pagtrabaho.
Madumduman nga pilang ka mga gamhanang nasyon ro nagkondena sa tikang nga ginahimo makaron it Russia.
