Kalibo Aklan ——Pagabuwisan eon it Bureau of Internal Revenue (BIR) ro tanan nga online sellers rason nga kinahang-ean eon nandang magparehistro antes matapos ro July 31.
Suno kay Revenue District Officer Nelia Demalata it BIR- Aklan, raya hay sandig sa ginpaguwa nga Memorandum Circular No. 60-2020 it ahensya, nga nagataeana sa mga negosyanteng nagagamit it digital ukon electronic platform nga magparehistro.
Ginpaathag nga dapat boluntaryong ideklara sa BIR it mga online seller ro andang mga nagtaliwan nga transaksyon para sa nagakaigong buwis.
Ro registration fee hay P500 pesos ag dugang nga P30 pesos para sa documentary tax stamp.
Dapat may issuance it registered sales invoice ukon official receipt sa kada baligya sa mga customers, may registered books of accounts ag accounting records para sa andang business transactions.
Ginklaro man ni Demalata exempted sa buwis ro mga nagakita it P250,000 pesos panaba.
Ro mga paga-imponeran eamang it buwis hay ro nagakita it P250,000 pesos pataas.
Nauna eon nga ginpahayag ni Presidential Spokesperson Harry Roque nga ro nagasueod nga buwis sa BIR ag Bureau of Customes ro mismong ginaboe-an it pondo it gobyerno para suk-ean ro COVID-19 pandemic.
