Exempted sa visa ro mga opisyal it gobyerno nga gustong bumisita sa Japan.
Raya ro ginpahayag ni Japan Prime Minister Fumio Kishida.
Ginhimo ni Kishida ro anunsiyo sa ginpatigayon nga Summit-Level Working Dinner kaibahan si Pangueong Ferdinand Bongbong Marcos Jr.
Hantop man nga ginbaton ni Pangueong Marcos ro anunsyo it Japan ag ginpahayag ro anang pag-eaum nga mabilog ro momentum ngara agud eubusang mapadali ro people-to-people exchanges sa tunga it daywang nasyon.
Uwa pa ginbulgar kon san-o raya magiging epektibo.
Idto sa Tokyo si Marcos para sa sangka opisyal nga pagbisita kon sa siin 35 investment deal sa imprastraktura, enerhiya, pagmanupaktura, ag pag-amlig sa ikaayong eawas ro napirmahan sa tunga it daywang ka nasyon.
Magabalik ro Presidente sa Maynila sa adlaw it dominggo, Pebrero 12.
