-- ADVERTISEMENT --
KALIBO, Aklan—Nagapangayo makarun it bulig ro barangay council it Barangay Camaligan, Batan sa Aklan Provincial Government partikular sa Provincial Engineering Office (PEO) agud nga mataw-an it aksiyon ro andang daean nga maabong mga eubak-eubak.
Suno kay Barangay Kagawad Maximo “Nono” Laus it nasambit nga lugar nga malisod para sa mga motorista ro daean nga ginapatihang sangka Provincial road nga nagakonekta sa Sitio Kagiyaw, Brgy. Jugas, New Washington paadto sa Brgy. Camaligan.
Dapat sigon nga mabutangan raya it baeas agud nga matambakan para maging komportable man para sa mga naga-agi nga motorista.
Samtang, ginpaabot eun man it Bombo news team sa PEO ro nasambitan nga concern agud nga mataw-an man it nagakaigo nga aksiyon.
