KALIBO, Aklan—Ginpaathag ni Punong barangay Niel Candelario it Poblacion, Kalibo nga nagpueong eon ro barangay council para maistoryahan ro mga pagahimuon nga tikang para malikawan ro insidente it pagka-eumos sa Aklan river nga sakop it C. Laserna Street, Kalibo.
Suno kay Candelario sambilog ro lugar sa pinaka-una nanda nga gintaw-an it nagakaigo nga igtueopangod umpisa kat magpungko imaw sa pwesto.
Pila sigon sa andang ginhimo hay ro pagbutang it maabo nga iwag ag CCTV.
Nag-apela man raya sa mga ginikanan nga bantayan ag sawayon ro andang mga unga nga indi mag-adto sa kilid it suba.
Angot kara, ginakasubo man it barangay council ro pagkamatay it biktimang si Kyla Rome, 9-anyos, residente it Purok 1 sa nasambit nga lugar matapos nga anuron ag maeumos sa Aklan river ko Miyerkules it hapon.
Matueopangdan nga idto eon sa bahin it Brgy. Old Buswang, Kalibo nasapwan ro bangkay it biktima.
Ginsugid nga masyadong mabaskog ro sueog it tubi kat matabo ro insidente.
