KALIBO, Aklan–Haeos nagakuliit eon ro mga ordinaryong pumueoyo matapos nga ipatuman makaron nga adlaw it Martes ro panibag-ong bigtime oil price hike.
Suno sa taho vendor nga si Alejandro Aquino nga masakit sa buesa ro sigidas nga pagsipa it presyo it kada litro it petrolyo.
Nagakabaeaka sigon imaw nga base owa eon it mai-uli nga kita para sa anang pamilya engkaso nga magpadayun pa ro pagtaas it gasolina.
Sambilog sigon sa diskarte nga anang ginahimo agud nga makatipid hay ro pagpatayon it gasolina sang adlaw antes ro implementasyon it oil price increase.
Sa raya sigon nga pamaagi hay makatipid imaw it maskin pilang piso.
Masyado eon suno kana nga mabug-at para sa kapareho nana nga ordinaryong tawo nga nagapangita ro mataas nga presyo bukon eamang it petrolyo kundi kaeakip eon ro mga nagapangunang baeak-eon sa merkado.
