KALIBO, Aklan–Naging madinaeag-eon ro ginpatigayun nga Simultaneous Anti-Criminality Law Enforcement Operation it mga otoridad sa bahin it Aklan Rehabilitation Center (ARC) pasado alas-6:00 kaina it agahon.
Ro operasyon hay ginakaeakipan it gintingub nga pwersa it Philippine Drug Enforcement Unit 6, CIDU-Aklan, Aklan Police Provincial Office, Kalibo Municipal Police Station ag iba pa.
Suno kay Police Major Willian Aguirre, Head it Provincial Intelligence Unit it APPO nga naging maayos ro andang operasyon bangud sa manami nga koordinasyon it pamunuan it ARC.
Tuyo sigon kara nga masikyar ro kahimtangan it mga Persons Deprived of Liberty (PDL) ag malimpyuhan ro kulungan sa mga kontrabando kapareho it iligal nga droga, cellphone, hinangiban ag iba pang mga gamit nga bawae sa sueod it pasilidad.
Naga-abot sigon sa 12 nga selda ro andang ginsikyar kung siin naka-recover sanda it tatlong set it baraha, mga disposable lighter, ballpen, manicure item ag razor blade.
