KALIBO, Aklan — Plano makaron it Sangguniang Panlalawigan it Aklan nga imbestigahan ro mga bukon it dokumentadong estranghero sa probinisya it Aklan eabi eon sa isla it Boracay.
Gina sugid nga naga abot sa 2,000 ro mga estranghero nga iligal nga naga estar sa Aklan kun siin kaabuan dikara hay overstaying eon sa isla nga sambilog man sa mga gina turong dahilan it pagiging over-populated it Boracay.
Suno kay Board Member Nemesio Neron, kaabuan sa mga raya hay mga Chinese ag Korean nga nagatrabaho ukon naga panag iya it mga resort ag restaurant sa isla.
Paga hinyuon nanda ro bulig it Bureau of Immigration agud madakpan ro mga overstaying nga estranghero ag makasuhan t pag eabag sa Section 37 it Philippine Immigration Act.
“Timing” sigon ro paghimos sa mga raya kasunod it gina himong paglimpiyo it Department of Environment and Natural Resources (DENR) sa Boracay bangud sa magkaeain-eain nga pag eabag sa kasuguan sa palibot.
Sa makaron hay gin refer anay ro nasambitan nga proposisyon sa natungdan nga komitiba para sa pagpatigayun it hearing.
