Health News————Ro sakit nga diabetes hay puwedeng makaangkon it seryosong kumplikasyon.
Suno kay Dra. Quennie Samonte, sangka internist- endocrinologist-(diabetes specialist) nga kaabuan sa may diabetes hay kueang sa nasayuran kung anong pagkaon ro puwedeng kaonon ag kung ano man ro dapat nga likawan.
Rason nga kung gusto mong makalikaw sa diabetes, raya ro listahan it mga puwedeng kaunon.
Una kara ro Carbohydrates – ro carbohydrates kapareho it humay, tinapay ag spaghetti hay nagatao katun it kabaskog.
Apang ginapataas man kara ro atong blood sugar.
May mga carbohydrates nga mas mayad para sa may diabetes.
Raya hay ro brown rice, wheat bread ag spaghetti.
Limitahan eang ro pagkaon it fried rice ukon sinangag, white bread ag French fries.
Protina ag karne, pilion ro karneng bukon it masyadong maabo ro tambok.
Boe-o ro mga makit-ang tambok it baboy ag baka antes nga eahaon.
Mas pilion ro mga protinang maghalin tino-ea kapareho it tofu, tokwa ag beans.
Ro manok ag turkey hay mas healthy kumpara sa baboy ag baka.
Tinu-ea ag prutas, kaabuan sa mga tinuea ag prutas hay mataas sa fiber, bitamina ag minerals.
Sa kada adlaw, magkaon it 2 tasang tinuea ag 2 tasang prutas.
Puwedeng mas maabo ro kaonon it mga eaeaki ag mataas nga tawo, ag mas sangkiri man ro dapat nga kaonon it mga babaye ag unga.
Sa mga may diabetes, bawasan ro pagkaon it humay ag bayluhan it mas maabong tinu-ea.
