HEALTH News—Pwedeng mabo-oe ro Urinary Tract Infection ukon UTI sa pagnabdos, diabetes ag iba pang mga bacteria.
Sambilog sa kaeabanan nga sintomas kara hay ro mahapdi nga pamatyagan sa kada naga ihi.
Ginasugid nga indi pagpabay-an ro UTI bangud nga posibleng magresulta raya sa mas grabeng sakit.
Suno pa sa pagtuon, ro mais hay naga angkon it canine ag antioxidant nga nakakabulig agud nga mapadasig ro pagmayad sa nasambit nga sakit.
Pabukaean eamang ro preskang mais ag imnon ro anang sabaw hasta nga eubusan nga maduea ro sintomas it UTI.
Samtang, ro pag inom man it pure extract it cranberry ag buko juice hay mayad man nga pangontra sa nasambit nga sakit bangud nga nakaka ilig it maayos ro pag ihi.
Ro sambong hay kilaea man nga diuretic nga epektibong pang pa-ihi.
Magpabukae eamang it preska nga dahon it sambong ag imnon ro gin-eaga-an kara.
Sa pihak nga parte, ro pagkaon man it hilaw nga bawang hay epektibong bueong man sa UTI bangud nga may ginatawag raya nga active engredient nga allicin nga nagaserbing antimicrobial ag antifungal agent.
