Agud nga maging healthy ro atong eawas, kinahangean naton ro bastante nga tueog.
Hayra ro mga pagkaon nga makabulig sa atong pagtueog.
Una hay ro saging.
Raya hay may tryptophan ag carbohydrates nga makabulig sa pag obra it serotonin.
Ro serotonin hay nagaparelaks katon ag nakakabawas man it stress.
Magkaon eang it sangkiri nga humay, tinuea ag isda.
May haeambaeunon nga “No food intake after 6:00 p.m. or 7:00 p.m.”.
Gusto natong matunaw it mayad ro pagkaon antes kita nga matueog.
Mabawasan man ro sintomas it hyperacidity ag GERD ukon Gastro-esophageal Reflux Disease.
Makabulig man ro pagkaon it kamote nga bugana sa fiber, vitamins B6, C and E, folate ag potassium.
Kamana man ro oatmeal ag cereals ag ro pag-inom it gatas ag chamomile tea.
Ginalaygay man nga pagkatapos nga magkaon sa gabi-i, magtikang-tikang anay it 10-15 minutes.
Raya hay agud nga mabuligan ro eawas sa pagtunaw it atong ginkaon.
Makalikaw pa sa sakit kapareho it bangungot syndrome ag mas hamuok nga tueog.
