Mabatyagan ro grabeng kainit it paniempo ag eauman nga mas pa raya nga maga grabe sa pagtama it el nino phenomenon sa mayo.
Ginakabig it Department of Health nga medical emergency ro heat stroke rason nga indi raya dapat nga balewalaon.
Ro heat stroke hay ro grabeng init it eawas nga indi masarangan nga paeamigon sa paghueas bangud sa kakueangan it tubi sa eawas.
Ro temperatura it eawas hay masobra sa 40 degrees celcius
Pila sa mga sintomas kara mag-eowas sa mainit nga pamatyagan hay pagpang-euya, pagka-uhaw, pagbuyog ag pagsakit it ueo, madasig nga pitik it tagipusuon, pagkabalisa ag pagkalipong.
Mga pamaagi agud nga malikawan ro stroke:
– indi magbabad sa init it adlaw.
– magsuksok it manipis ukon preskong eambong.
– maggamit it payong ukon kaeo.
– mag-inom it maabung tubi
– maglikaw sa aeak ukon mainit nga ilimnon
– magpabilin sa sueod it baeay kon pwede man lang
– indi mag obra it mga mabug-at nga trabaho sa idaeum it grabeng init ukon singkae it adlaw
