INTERNATIONAL News — Ginpaandaman it gobyerno it Thailand ro mga pamatan-on sa andang nasyon kontra sa ginatawag nga ‘zombie cigarettes’ bangud sa gina-angkon kara nga sedative drugs.
Raya hay bangud nga may sangkap raya nga Etomidate, sangka klase it pampakalmang bueong nga pwedeng magtuga it grabeng pagbuyog it ueo, mahinay nga pagginhawa, low blood pressure, confusion ag hasta sa pagkaduea it alintro nga posibleng magresulta sa kamatayon.
Base sa report, naging sikat ro zombie cigarette nga may halong sedative drugs sa Thonglor entertainment area sa Bangkok.
Ginpahayag ni Anukul Prueksanusak, deputy spokesman it taeatapan it Prime Minister, nga may nabaton sanda nga report nga naga-develop it bag-ong synthetic drugs ro mga drug trafficker para maka-adikan it mga dati ag bag-ong nagagamit it ilegal nga droga.
Nagpaandam man ro mga lider it nasyon bangud nga mag-eowas sa entertainment venue, ginabaligya eon man sigon ro zombie cigarette sa online kun sa siin ginaloko it mga seller ro publiko nga epektibo raya nga pang-relax ag pampatueog.
