Naga-abot eon sa masobra 40,000 pangaean it mga tricycle driver ro makabaton it ayuda sa idaeom it fuel subsidy program it gobyerno.
Raya ro ginpahayag it Department of the Interior and Local Government (DILG) kung siin kapin sa 44,299 eon ro sueod sa listahan para sa nasambit nga programa.
Raya hay sa pihak it naging pahayag ni DILG Spokesman Undersecretary Jonathan Malaya nga kapin sa 1.2 million eon nga mga tricycle driver ag operator ro posibleng makaibahan sa mga makabaton it nasambit nga ayuda.
Suno pa kay Malaya nga tatlong rehiyon eamang sa bilog nga nasyon ro nakapasa sa andang taeatapanan it mga listahan it pangaean it mga tricycle drivers.
Kaibahan eon kara ro Region 2, Region 9 ag Cordillera Administrative Region.
Samtang, nakataeana man nga isumite it DILG sa Land Transportation Franchising and Regulatory Board (LTFRB) ro listahan para maumpisahan eon ro pagpanudpod it fuel subsidy.
