Ginakabaeak-an nga pagapas-anon it mga Pilipino ro pagbayad sa nagalobong utang it gobyerno.
Raya hay kasunod it ginaproponer nga fiscal consolidation ag resource mobilization plan it Department of Finance (DOF) kun sa siin nakabaehag ro pagpatong it bag-ong buwis, mas mataas nga value added tax (VAT) ag pagbawi sa income tax deduction.
Raya hay agud nga mabayaran ro utang it gobyermo nga naglobo eon sa ₱12.68 trillion pesos ko Marso nga ginaeauman nga maga-abot pa sa ₱13.1 trillion pesos nga resulta it pag-utang it nasyon para sa COVID-19 pandemic response.
Samtang, kaibahan sa mga ginaproponer nga reporma sa buwis it DOF hay ro excise tax sa motorsiklo, cryptocurrencies ag single-use plastics; VAT sa digital service providers; ag carbon tax.
Base sa pagtantiya it DOF, engkaso nga ipatuman it Marcos administration ro mga bag-ong tikang hay makatipon ro gobyerno it kabilugan nga ₱349.3 billion pesos kada dag-on.
