Ginkumpirma it Philippine Embassy sa London nga kaibahan ro mga Pilipino sa mga gintarget sa nagtuhaw nga racist riot sa Northern Ireland.
Ro kagamuhan hay nagumpisa sigon bangud sa alegasyon it sexual assault nga gina-imbolbaran it daywang Romanian teenager ag sangka ungang babaye.
Sa ginpaguwa nga advisory ku Hunyo 12, ginreport it embahada nga sinunog it mga naga-riot ro saeakyan it sangka Pilipino sa Ballymena.
Ginpahayag pa it embahada ro andang matinding pag-kabaeaka ag ginsiguro nga padayon nandang ginabantayan ro sitwasyon samtang nakikipag-angot sa mga lokal nga awtoridad para masiguro ro kaeuwasan it mga Pilipino sa lugar.
Ginengganyo man it embahada ro mga Pilipino sa Ballymena ag mga kaeapit nga lugar nga maging madahan, sundon ro mga sugo it lokal nga awtoridad, ag insigidang makipag-angot sa embahada kun gakinahangean it bulig.
