Samtang nagahilapit ro ginaeauman nga full face-to-face classes, isyu sa gihapon makaron ro K to 12 program.
Raya baea hay dapat eon nga boe-on ukon paga-ayuson.
Maabu sigon nga manugturo ro suportado ro panawagang usisaon ro K-12 program agud nga eubus nga masabat ro mga problema kara.
Angot kara, uman nga magadihon it sangka resolution sa 19th Congress nga maga-engganyo sa House of Representatives nga magpatigayuon it pag-imbestiga partikular eon sa pilang nakitang problema sa implementasyon it programa.
Tiempo eon agud nga tutukan ro mabuhay eon nga mga problema sa edukasyon nga eubus nga nakita makaron nga pandemya.
Gin engganyo man ro masunod nga Education Secretary ag VP-elect nga si Sara Duterte-Carpio nga pamatian ro reklamo it publiko.
Kabay nga makita nana ro kamatuoran ag ro epekto it ginahambae nga manabang pondo, pasweldo ag iba pang kakueangan sa edukasyon.
Nasayuran man naton nga bukon eamang ro mga pasilidad ag kagamitan ro kueang kundi maskin ro suporta sa bastanteng nga sweldo ag benepisyo para sa mga manugturo ag non-teaching personnel nga ro nagapangunang apektado hay ro kalidad it edukasyon sa nasyon.
Ro K-12 hay programa nga ginaeauman nga magapataas sa lebel it basic education curriculum ag pamaagi agud nga indi kita maaywan sa edukasyon.
Ag kabay nga raya ro matuod nga nagakatabu.
Rason nga pabor kita nga usisaon ro K-12.
Tumuron ro mga problema ag paumwaron ro kabilugan it programa.
Kinahangean naton nga maka-eagas ag mapabilin ro kamayad nga mabahoe nga amot sa kaumwaran it atong nasyon eabi eon sa makaron nga paniempo.
